اسلام آباد (مانیٹرنگ ڈیسک) پاکستانیوں کےلیے انتہائی افسوسناک خبر ہے کہ پی آئی اے کے طیارے پی کے 661 کو حادثہ پیش آنے کے نتیجے میں معروف مذہبی رہنما جنید جمشید سمیت 47 افراد جاں بحق ہوگئے ہیں ۔ تفصیلات کےمطابق طیارہ چترال سے اسلام آباد آتے ہوئے حویلیاں کے قریب گر کر تباہ ہوا ۔ تازہ ترین میڈیا رپورٹس کے مطابق پی آئی اے کے ایک پائلٹ کی بہن نے انکشاف کیا ہے کہ جس طیارے کو حادثہ پیش آیا ہے وہ اڑنے کے قابل ہی نہیں تھا۔ تفصیلات کے مطابق پی کے 661 کی تباہی کے نتیجے میں اس میں عملے اور مسافروں سمیت تمام افراد جان کی بازی ہار گئے ہیں ۔

طیارہ حادثے کے بعد بہت سے لوگوں کی جانب سے اعتراضات اٹھائے جارہے ہیں اور کہا جا رہا ہے کہ یہ طیارہ اڑنے کے قابل ہی نہیں تھاجبکہ تائیوان میں اس طیارے پر پابندی بھی عائد کی جاچکی ہے۔ ایسے میں پی آئے کے کے ایک پائلٹ کی بہن کا ٹویٹ منظر عام پر آیا ہے جس کےمطابق جس طیارے کو حادثہ پیش آیا ہے وہ اڑنے کے قابل ہی نہیں تھا۔سارہ نامی ایک لڑکی نے اپنے ٹوئٹر اکاؤنٹ پر لکھا ہے کہ اس کا بھائی بھی پی آئی اے کا ہی ایک پائلٹ ہے اور اس نے کچھ روز پہلے تباہ ہونے والے پی آئی اے کے طیارے اے آرٹی 42 کو اڑایا تھا۔ جبکہ اس کے بھائی نے پی کے 661کو حادثہ پیش آنے کے بعد بتایا کہ اس طیارے کی حالت بھی بہت خراب تھی اور وہ اڑنے کے قابل ہی نہیں تھا۔