راولپنڈی (آئی این پی)باجوڑ سرحد کے پاس کھکھی پوسٹ پر بیمار افغان سپاہی کو طبی امداد دینے کے بعد واپس افغان علاقے میں بھیج دیا گیا ۔
جمعرات کوپاک فوج کے شعبہ تعلقات عامہ (آئی ایس پی آر) کے مطابق باجوڑ سرحد کے پاس بیمار افغان سپاہی کو پاکستان پوسٹ پر طبی امداد دی گئی ۔افغان سپاہی کو باجوڑ کی کھکھی پوسٹ پر طبی امداد کے بعد واپس افغان علاقے میں بھیج دیا گیا ۔ افغان سپاہی کی اچانک طبیعت خراب ہو گئی تھی ۔
