اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر صحافی چوہدری غلام حسین نے اعتراف کیا ہے کہ میری ایک متنازعہ خبر جو میں نے گزشتہ دنوں دی تھی وہ مجھے میرے ایک ذرائع نے بتائی تھی جس پر آئی ایس پی آر نے کہا ہے کہ چیئرمین جوائنٹ چیفس آف سٹاف کمیٹی جنرل زبیر حیات اور آرمی چیف جنرل قمر جاوید باجوہ نے حسین نواز سے کوئی ملاقات نہیں کی اور یہ خبر من گھڑت، بے بنیاد اور حقائق کے منافی ہے ۔ چوہدری غلام حسین نے کہا کہ جب آئی ایس پی آر جیسا معتبر ادارہ اس خبر تردید کر رہا ہے تو وہی بات ٹھیک ہے۔ ہمیں جس نے یہ خبر دی تھی وہ غلط ہے۔ اس خبر پرجس کی بھی دل آزاری ہوئی ہو میں اس پر معافی چاہتا ہوں لیکن سیاستدانوں پر بات کرنا ہمارا کام ہے اور وہ ہم کریں گے ، ہمیں سب لوگ آرمی کے ساتھ ہمیشہ پائیں گے اور ہم پاک فوج کے شانہ بشانہ ہیں۔