اسلا م آباد(مانیٹرنگ ڈیسک) بھارت نے ایک بار پھر تمام قوانین کو پس پشت رکھتے ہوئے پاکستان پر حملہ کر دیا ہے جس کے بعد پاکستان نے فوری کارروائی شروع کر دی ہے ۔ دونوں اطراف سے فائررنگ کا سلسلہ جاری ہے ۔ تفصیلات کے مطابق بھارت نے ایک بار پھر تمام قوانین کو پس پشت رکھتے ہوئے پاکستان پر حملہ کر دیا ہے جس کے بعد پاکستان نے فوری کارروائی شروع کر دی ہے ۔ دونوں اطراف سے فائررنگ کا سلسلہ جاری ہے ۔
ذرائع کے مطابق بھارت نےلائن آف کنٹرول پہ 7سیکٹرز ر بلااشتعال فائرنگ شروع کر دی ہے۔ آئی ایس پی آر کے مطابق بھارتی فوج شاہ کوٹ ، جوڑا، بٹل ۔ کریلہ سیکٹر ، باغ بکگسر،تتہ پانی سیکٹرزمیں فائرنگ اور گولہ باری کر رہی ہے جبکہ پاک فوج کی جانب سے بھی مسلسل جوابی کارروائی جاری ہے ۔ پاک فوج بھارتی مورچوں کو نشانہ بنا رہی ہے جبکہ نیلم میں مسافر بس پر گولہ کرنے سے 4افراد شہید جبکہ 7 زخمی ہو گئے ہیں ۔ شہدا اور زخمیوں کو قریبی ہسپتالوں میں لے جایا جا رہا ہے ۔ ہنگامی صورتحال کے پیش نظر سکول بھی بند کر دئیے گئے ہیں ۔
واضح رہے کہ لائن آف کنٹرول (ایل او سی) اور ورکنگ باؤنڈری پر بھارتی فو ج کی جانب سے سیزفائر معاہدے کی خلاف ورزیاں حالیہ کچھ عرصے سے ایک معمول بن چکی ہیں۔ رواں ماہ 19 نومبر کو بھی ایل او سی کے مختلف سیکٹرز پر ہندوستانی فوج کی بلااشتعال فائرنگ کے نتیجے میں 4 پاکستانی شہری جاں بحق جبکہ کئی زخمی ہوگئے تھے، اسی روز 6 بھارتی فو جی مارے گئے تھے ۔ گذشتہ روز بھارت نے لائن آف کنٹرول کے نزدیک اپنے 3 فوجیوں کی ہلاکت تسلیم کی جن میں سے ایک فوجی کی لاش کے متعلق بتایا گیا کہ وہ ’مسخ شدہ‘ تھی، تاہم پاکستان نے بھارتی میڈیا کی جانب سے فوجی کی لاش کو مسخ کیے جانے کے جھوٹے اور بے بنیاد الزامات کی تردید کی۔ رواں ماہ 18 نومبر کو بھارتی بحریہ کی جانب سے بھی پاکستانی سمندری حدود کی خلاف ورزی کی کوشش کی گئی تاہم پاک بحریہ نے پاکستانی سمندری علاقے میں بھارتی آبدوز کی موجودگی کا سراغ لگا کر انھیں اپنی سمندری حدود میں داخل ہونے سے روک دیا تھا۔ ‎