اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار ڈاکٹر شاہد مسعود نے انکشاف کیا ہے کہ وزیر اعظم نواز شریف سپریم کورٹ میں پانامہ کیس جیتنے والے ہیں، اگر وہ یہ کیس جیت جاتے ہیں تو وہ اس بنیاد پر جیتیں گے دیکھیں پانامہ لیکس میں جو نام ہیں ان میں میرا نام تو نہیں، اس میں صرف میرے بچوں کا اور میرے والد کا نام آیا ہے اور میرا نام کہیں بھی نہیں اسلئے وہ یہ کیس آسانی سے جیت جائیں گے۔شاہد مسعود نے کہا کہ اللہ تعالیٰ رحم فرمائے اس ملک پر ، اس کا کوئی حال نہیں۔ قطری شہزادے کی انٹری بھی ایسے ہی ہوئی ہے جیسے اس سے قبل ایک وصیت سامنے آئی تھی۔ اس گراؤنڈ پر میاں نواز شریف یہ مقدمہ جیت جائیں گے۔

موضوعات:پانامہ لیکس نواز شریف