اسلام آباد(مانیٹرنگ ڈیسک)اعتزاز احسن نے یہ کہا ہے کہ اگر عمران خان نے ان پر یہ پھبتی نہ کسی ہوتی کہ وہ ایک بچے کے پیچھے لگے ہوئے ہیں تو وہ پاناما کیس میں عمران خان کے ضرور وکیل بن جاتے۔ یہ بات پیپلز پارٹی کے سینئر رہنما اعتزاز احسن نے نسیم زہرہ کے ساتھ ٹی وی پروگرام میں گفتگو کرتے ہوئے کہی ، انہوں نے کہا کہ عمران خان کو خود بھی احساس ہونا چاہئیے کہ وہ کس قسم کے جملے مجھ پر لگاتے رہے ہیں، انہوں نے کہا کہ اگر میں نے اپنی پارٹی سے مخالفت مول لے کر پاناما لیکس کیس میں عمران خان کا وکیل بننے کی حامی بھر لی تو میرا بھی وہی حال ہوگا جو آج کل عمران خان اپنی پارٹی کے سابقہ وکیل حامد خان کا کر رہے ہیں اس موقع پر انہوں نے پی ٹی آئی کا وکیل بننے سے انکار کر دیا ۔