اسلام آباد(مانیٹرنگ ڈیسک)چیئرمین پاکستان تحریک انصاف عمران خان ممکنہ طور پر کل لندن روانہ ہو رہے ہیں۔ لندن میں کپتان کسی سیاسی سرگرمی میں حصہ نہیں لیں گے۔ذرائع کے مطابق کپتان اپنے بچوں سے ملاقات کے لیے تین روزہ دورے پر لندن جائیں گے۔ اس کے علاوہ عمران خان اپنے قریبی دوست کی ہمشیرہ کی شادی میں شرکت کریں گے۔سیاسی حلقوں میں کپتان کی اچانک روانگی کو لیکرسوالات اٹھائے جارہے ہیں مگرپی ٹی آئی ذرائع کے مطابق عمران خان کی لندن میں کوئی سیاسی سرگرمی نہیں ہوگی۔سپریم کورٹ میں کل پاناما لیکس میں سماعت کی صورت میں کپتان کے شیڈول میں ردوبدل ہو سکتا ہے۔ واضح رہے کہ پانامہ لیکس کا کیس سپریم کورٹ میں زیر سماعت ہے اور ہر گزرتے روز کے ساتھ اس میں نئے موڑ آتے جا رہے ہیں۔ ایسے میں بعض حلقوں کی جانب سے عمران خان کی لندن اچانک روانگی کو معنی خیز کہا جا رہا ہے۔