اسلام آباد(مانیٹرنگ ڈیسک) پاک چین اقتصادی راہداری منصوبے کے تحت گوادر بندر گاہ پر تجارتی سرگرمیوں کا آغاز ہو گیا۔ تفصیل کے مطابق گزشتہ روز گوادر میں منصوبے کی افتتاحی تقریب سے خطاب کرتے ہوئے وزیر اعظم نواز شریف بڑی غلطی کر گئے۔
سڑکوں کا جال بچھانے اور منصوبہ کامیاب بنانے کے حوالے سے منعقدہ تقریب سے خطاب کرتے ہوئے وزیر اعظم نواز شریف نے FWO کی تعریف کرنی تھی لیکن انہوں نے Commendation یعنی قابل تعریف کی بجائے Condemnation یعنی قابل مذمت کا لفظ استعمال کر دیا۔ وزیر اعظم کے اس لفظ پر انہیں شدید تنقید کا نشانہ بنایا جا رہا ہے۔ اقوام عالم میں خاص اہمیت کی حامل اس تقریب میں ایک اور سنگین غلطی ایسی ہوئی کہ عین افتتاح کے موقع پر کسی شخص کا سر کیمرے میں آ گیا جس کے باعث افتتاحی فوٹیج حاصل نہیں ہو سکی۔
