اسلام آباد(مانیٹرنگ ڈیسک) سینئر سیاستدان و سابق وفاقی وزیر نبیل گبول نے کہا ہے کہ ملک میں جو حالات چل رہے ہیں اس سے اداروں کو نقصان نہیں ہوگا بلکہ اس سے ملک کو نقصان ہو رہا ہے اور یہ بات نواز شریف کو سمجھ نہیں آ رہی، وزیر اعظم نواز شریف کو یہ بات سمجھ آ جائے گی لیکن انہیں سپریم کورٹ ہی سمجھائے گی۔ نبیل گبول نے ایک نجی ٹی وی کے پروگرام میں گفتگو کرتے ہوئے کہا کہ وزیر اعظم نواز شریف خود کو محفوظ نہیں سمجھ رہے، انہوں نے 29 نومبر کو آرمی چیف جنرل راحیل شریف کے جانے کی خوشی میں وزیر اعظم ہاؤس میں میلاد رکھا ہوا ہے اور وہ اس روز یوم تشکر منائیں گے۔ نبیل گبول نے کہا کہ مجھے سمجھ نہیں آ رہا کہ 29نومبر کو نواز شریف نے میلاد رکھی ہوئی ہے اور وہ یوم تشکر کس بات کا منائیں گے؟ کیا نواز شریف خود کو اتنا ہی غیر محفوظ سمجھ رہے ہیں؟

موضوعات:جنرل راحیل شریف نواز شریف