اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار نے بڑا دعویٰ کر دیا۔ تفصیل کے مطابق ایکسپریس نیوز کے پروگرام میں گفتگو کرتے ہوئے سینئر تجزیہ نگار آفتاب اقبال نے دعویٰ کیا کہ ’’وزیر اعظم نواز شریف پہلے کی طرح نادانی میں یہ سمجھتے رہے کہ اس بار بھی کوئی چیک اینڈ بیلنس نہیں ہوگا، مولا بخش چانڈیو کے مطابق بھی ’’جی ‘‘ کا جانا ٹہر گیا ہے۔ نواز شریف کو سمجھ نہیں آئی کہ حالات بدل گئے ہیں، اب چیک اینڈ بیلنس ہو رہا ہے، نواز شریف کیلئے پانامہ لیکس تو ایک چھوٹا سا ٹیلہ ہے جسے وہ سر کر بھی گئے تو ان کے سامنے ایک کوہ ہمالیہ ہوگا جسے سر کرنا ممکن ہی نہیں ، وہ کوہ ہمالیہ سرل المیڈا نیوز سکینڈل ہے، نیوز گیٹ سکینڈل میں نواز شریف کے بچ جانے کا سوال ہی پیدا نہیں ہوتا‘‘۔