راولپنڈی(این این آئی)چیف آف آرمی سٹاف جنرل راحیل شریف سے ترکمانستان کے ڈیفنس اینڈ نیشنل سیکیورٹی کونسل کے وزیر کرنل جنرل بردییف ییلم یگما ئرووچ نے جمعرات کو جی ایچ کیو میں ملاقات کی ۔ آئی ایس پی آر کے مطابق ملاقات کے دوران پیشہ ورانہ دلچسپی سے متعلق امور اور خطے کی سیکیورٹی صورتحال پر تبادلہ خیال کیا گیا ۔
قبل ازیں جی ایچ کیو آمد پر پاکستان آرمی کے ایک چاق و چوبند دستے نے ترکمانستان کے وزیرکو گارڈ آف آنر پیش کیا ۔ انہوں نے یادگار شہداء پر پھولوں کی چادر چڑھائی ۔ چیف آف آرمی سٹاف جنرل راحیل شریف سے جاپان کے خصوصی نمائندہ برائے افغانستان امبیسیڈر ٹاڈا میچی یاما موتو نے جمعرات کو جی ایچ کیو میں ملاقات کی ۔ آئی ایس پی آر کے مطابق ملاقات کے دوران خطے کی سیکیورٹی صورتحال بالخصوص افغانستان میں امن و استحکام سے متعلق تبادلہ خیال کیا گیا ۔
