اسلام آباد(مانیٹرنگ ڈیسک) پی ٹی آئی دھرنے میں خیبر پختونخواہ حکومت کی شرکت کے اعلان کے بعد وفاقی حکومت اور خیبر پختونخواہ حکومت کے درمیان تنازعہ شدت اختیار کر گیا ہے۔ تفصیل کے مطابق وفاقی حکومت کے اتحادیوں نے صوبہ خیبر پختونخواہ میں گورنر راج لگانے کی تجویز دیدی ہے۔ نجی ٹی وی رپورٹ کے مطابق پرویز خٹک کے تحریک انصاف دھرنے میں شمولیت کے فیصلے سے وفاقی حکومت اور کے پی کا حکومت کا تنازعہ زور پکڑ گیا ہے۔ نجی ٹی وی رپورٹ کے مطابق وفاقی حکومت کو تجویز پیش کر دی گئی ہے کہ وہ صوبے میں گورنرراج لگا دیں یا تحریک عدم اعتماد لے آئیں۔ دوسری جانب وزیر اعلیٰ خیبر پختونخواہ نے بھی کہا ہے کہ وفاقی حکومت سے کوئی امید نہیں وہ صوبے میں گورنر راج بھی لگا سکتے ہیں ۔

موضوعات:خیبر پختونخواہ گورنر راج