اسلام آباد (مانیٹرنگ ڈیسک)کراچی کے سینئر ترین رہنما و سابق وزیراطلاعات نبیل گبول نے انکشاف کیا ہے کہ انگریزی اخبار میں خبر کو چلانے کا کہا گیا تھا ، خبر چلانے کی ہدایت وزیراعظم سے ہوئی ۔ ان کا کہنا تھا کہ کیس کی مکمل تفتیش کی جائے ، نجی ٹی وی کے ایک پروگرام میں گفتگو کر تے ہوئے نبیل گبول نے انکشاف کیا ہے کہ سابق وفاقی وزیر پرویز رشید کو انگریزی اخبار میں خبر چلانے کا کہا تھا جس کی ہدایت وزیراعظم ہائوس سے ہوئی تھی ، انہوں نے کہا ہے کہ کیس کی مکمل اور شفاف تفتیش ہونی چاہیے۔ نبیل گبول نے نجی ٹی وی کے پروگرام میں گفتگو کرتے ہوئے کہنا تھا کہ پنجاب حکومت کے ترجمان زعیم قادری صاحب کے دن بھی گنے جا چکے ہیں۔ انہوں نے ایک سوال کیا ہےکہ 25دسمبر کو لاہور میں مودی سے کیا باتیں ہوئیں تھیں ۔ اس موقع پر زعیم قادری کا کہنا تھا کہ نبیل گبول خواہش کو خبر بنا رہے ہیں ، ان کی یہ خواہش کبھی بھی پوری نہیں ہوگی ۔

موضوعات:پرویز رشید سرل المیڈا کیس نبیل گبول