لاہور(مانیٹرنگ ڈیسک)محکمہ داخلہ پنجاب نے قانون نافذ کرنے والے اداروں کوخبردار کیا ہے کہ بھارتی خفیہ ایجنسی ’را ‘نے ائرپورٹس پر ریموٹ کنٹرول ڈیوائس سے دہشت گردی کا منصوبہ بنایا ہے۔قانون نافذ کرنے والے اداروں اور ائرپورٹ حکام کو جاری مراسلے میں کہا گیا ہے کہ دہشت گردوں نے ہوائی اڈوں کو ٹارگٹ کرنے کا گھناؤنا منصوبہ تیار کیا ہے۔بھارتی خفیہ ایجنسی ’’را‘‘ نے ریموٹ کنٹرول ڈیوائس سے حملے کی منصوبہ بندی کی ہے،تمام کمشنزر اور ریجنل پولیس افسران ائرپورٹس کا دورہ کریں اور سکیورٹی انتظامات کا از سر نو جائزہ لیں۔مراسلے میں یہ بھی ہدایت کی گئی ہے کہ متعلقہ محکمے ایک دوسرے کے ساتھ رابطے میں رہیں اور محکمہ داخلہ کو رپورٹ کریں۔تفصیلات کے مطابق قومی ادارہ برائے انسدادِ دہشت گردی کے جاری کردہ مراسلے کے مطابق پنجاب میں دہشتگرد اپنے ساتھیوں کے ڈیتھ وارنٹ پر انتقام لینے کیلئے ن لیگی قیادت کو نشانہ بناسکتے۔مراسلے میں مزید خدشہ ظاہر کیا گیا ہے کہ را کے دہشتگردوں کی جانب سے ائیر پورٹس کو ٹارگٹ کیا جاسکتا ہے، لہذا ائیرپورٹس کڑی نگرانی اور سخت سیکیورٹی کے سا تھ ساتھ سیاست دانوں کی سیکیورٹی پر توجہ دی جائے۔دہشت گردی کی روک تھام کیلئے نیکٹا نے رینجرز ،پولیس سمیت متعلقہ اداروں کو مراسلے کی کاپی بھجوادی ہے۔یاد رہے کہ گذشتہ ماہ بھینیشنل کاؤنٹر ٹیررازم اتھارٹی (نکٹا)نے ملک بھر کے ہوائی اڈوں پر اور مسافر بردار طیاروں پر القاعدہ اور الشباب کے حملوں کا خدشہ ظاہر کرتے ہوئے الرٹ جاری کیا تھا۔‎