اسلام آباد(مانیٹرنگ ڈیسک) اسلام آباد میں بنی گالہ کے اطراف صورتحال کشیدہ ہوگئی، پولیس نے پی ٹی آئی کارکنوں پر لاٹھی چارج کردیا جبکہ متعدد افراد کو گرفتار بھی کرلیا گیا، پولیس کے لاٹھی چارج سے متعدصحافی بھی زخمی ہوگئے۔ایک نجی ٹی وی کے مطابق عمران خان کی رہائش گاہ بنی گالہ کے اطراف میں صورتحال ایک بار پھر کشیدہ ہوگئی،

کچھ دیر قبل پی ٹی آئی کارکنوں نے پولیس پر پتھراؤ کیا جواباً پولیس نے آنسو گیس کے شیل فائر کئے، جس سے صحافی بھی متاثر ہوئے۔پولیس نے بنی گالہ کے اطراف پاکستان تحریک انصاف کے کارکنوں کی گرفتاری کیلئے کارروائی شروع کردی، اس دوران شدید لاٹھی چارج بھی کیا گیا، جس کی زد میں صحافی بھی آگئے اورایک نجی ٹی و ی کے رپورٹر مدثرکوسراورکمرپرشدید زخم بھی آئے ۔ پولیس کی بھاری نفری نے علاقے میں موجود پاکستان تحریک انصاف کے کارکنوں کو گرفتار کرنا شروع کردیا ہے، کئی افراد کو پولیس وینز میں بٹھاکرنامعلوم مقام پرپہنچادیاگیاہے ۔

موضوعات:بنی گالہ صحافی