اسلام آباد(ایکسکلوژو رپورٹ) جرواں شہروں( راولپنڈی ، اسلام آباد )کی پولیس عوامی مسلم لیگ کے سربراہ شیخ رشید احمد کو گرفتار کرنے میں ناکام ہو گئی۔ تفصیل کے مطابق عوامی مسلم لیگ کے سربراہ شیخ رشید احمد اسلام آباد سے راولپنڈی شہر میں داخل ہونے کیلئے اپنے نا معلوم مقام سے نکل چکے ہیں اور دونوں شہروں کی پولیس انہیں گرفتار کرنے کیلئے سر توڑ کوششیں کر رہی ہے۔ نجی ٹی وی رپورٹ کے مطابق عوامی مسلم لیگ کے سربراہ شیخ رشید احمد ٹیکسی پر سوار ہو کر پورے اسلام آباد میں چکر کاٹ رہے ہیں اور کسی طرح راولپنڈی شہر میں داخل ہونے کا راستہ ڈھونڈ رہے ہیں۔ عوامی مسلم لیگ کے سربراہ شیخ رشید ٹیکسی میں سوار اسلام آباد کی مختلف جگہوں پر گھوم رہے ہیں تو دوسری جانب جڑواں شہروں کی پولیس لگاتار ان کی تلاش میں سرگرداں ہے۔واضح رہے کہ سربراہ عوامی مسلم لیگ نے راولپنڈی میں لال حویلی کے مقام پر ایک وارم اپ جلسے سے خطاب کرنا ہے اور اس میں شرکت کیلئے سربراہ تحریک انصاف عمران خان نے بھی راولپنڈی جانا ہے۔ شیخ رشید احمد نے اس ضمن میں ٹویتر پر اپنے پیغام میں کہا ہے کہ ’’مجھے پکڑ لو، اگر پکڑ سکتے ہو تو، میں آ رہا ہوں‘‘۔