اسلام آباد(ایکسکلوژو رپورٹ) عوامی مسلم لیگ کے سربراہ شیخ رشید احمد کے ایک طرف وفاقی حکومت نے گرفتاری کے احکامات جاری کئے ہوئے ہیں تو دوسری جانب شیخ رشید احمد کے آفیشل فیس بک پیج پر جاری وڈیو کے مطابق شیخ رشید دبنگ عوامی انداز میں راولپنڈی کے مقامی عام سے ریسٹورنٹ میں ناشتے کیلئے جا پہنچے۔ تفصیل کے مطابق عوامی مسلم لیگ کے سربراہ شیخ رشید احمد اپنی گرفتاری سے بے خوف راولپنڈی میں پر سکون ناشتہ کرتے رہے اور اس موقع پر شیخ رشید کے کارکنوں کی بڑی تعداد بھی وہاں جمع ہو گئی۔ شیخ رشید ناشتے کے دوران کارکنوں سے گفتگو کرتے رہے اور آئندہ کا لائحہ عمل بھی بتاتے رہے ۔ شیخ رشید کا اس موقع پر کہنا تھا کہ میں یہاں عام عوامی انداز میں بیٹھا ہوں ، کسی میں جرأت ہے تو آکر مجھے گرفتار کر لے، آج کا جلسہ ہوگا اور ہر صورت ہوگا۔