کوئٹہ (مانیٹرنگ ڈیسک)کوئٹہ میں دہشت گرد پھر آگئے، سیکیورٹی فورسز سے فائرنگ کے تبادلے میں 2 دہشت گرد مارے گئے۔کوئٹہ کے علاقے ہزار گنجی میں اے ٹی ایف اور پولیس اہلکاروں نے دہشت گردوں کی موجودگی کی اطلاع پر چھاپہ مارا، کمپاؤنڈ کو گھیرے میں لے لیا گیا، ملزمان نے سیکیورٹی اہلکاروں پر فائرنگ اور دستی بموں سے حملہ کردیا۔پولیس کے مطابق سیکیورٹی فورسز کے ساتھ فائرنگ کے تبادلے میں 2 دہشت گرد مارے گئے جبکہ تین پولیس اہلکاروں کے زخمی ہونے کی بھی اطلاعات ہیں۔ذرائع کے مطابق کمپاؤنڈ میں 4 سے 5 دہشت گرد موجود ہیں جو بھاری اسلحے اور گرنیڈوں سے لیس ہیں، سیکیورٹی فورسز کمپاؤنڈ میں داخل ہونے کی کوشش کررہی ہے۔