اسلام آباد(ایکسکلوژو رپورٹ) نجی ٹی وی پروگرام میں سینئر تجزیہ نگار نے تہلکہ خیز دعویٰ کر دیا۔ تفصیل کے مطابق نجی ٹی وی پروگرام میں گفتگو کرتے ہوئے سینئر تجزیہ نگار نے دعویٰ کیا کہ یہ کہا جا رہا ہے کہ کچھ ایسا ہوسکتا ہے جس سے عمران خان کے دھرنے کو فائدہ ہو جائے لیکن حقیقت میں میری اطلاعات کے مطابق کچھ ایسا بھی ہو سکتا ہے جس سے پوری بازی الٹ جائے اور لوگوں کی توجہ ہٹ جائے دھرنے سے۔ نجی ٹی وی پروگرام میں گفتگو کرتے ہوئے سینئر تجزیہ نگار ہارون الرشید نے دعویٰ کیا کہ اس بات کے چانسز بہت زیادہ پیدا ہو گئے ہیں کہ آرمی چیف جنرل راحیل شریف کو توسیع دے دی جائے اور حکومت اس بارے میں سنجیدگی سے سوچ رہی ہے۔ سینئر تجزیہ نگار ہارون الرشید نے کہا یہ بات میں ویسے ہی نہیں کہہ رہا بلکہ کسی انفارمیشن کی بنیاد پر کہہ رہا ہوں۔ اس بات کے 70 فیصد چانسز ہیں کہ آرمی چیف کی توسیع ہو جائے اور نواز شریف اس بارے میں تقریباََ فیصلہ کر چکے ہیں کہ انہوں نے کیا کرنا ہے۔