اسلام آباد(ایکسکلوژو رپورٹ) نجی ٹی وی پروگرام میں سینئر تجزیہ نگار نے حیران کن انکشافات کر دیئے۔ نجی ٹی وی پروگرام میں گفتگو کرتے ہوئے سینئر تجزیہ نگار نے کہا کہ 30 اکتوبر کو اتوار ہے جس دن اسلام آباد پہلے سے ہی بند ہوگا لیکن یہ مت سمجھا جائے کہ عمران خان اسلام آباد کو صرف ایک دن کیلئے بند کرنے جا رہے ہیں۔ سینئر تجزیہ نگار نے کہا کہ عمران خان نے بڑے واضح الفاظ میں یہ بتایا ہے کہ جب تک وہ نواز شریف سے استعفیٰ نہیں لیتے تو وہ اسلام آباد سے واپس نہیں جائیں گے۔ سینئر تجزیہ نگار حامد میر نے کہا کہ میری اطلاعات کے مطابق عمران خان نے اپنے تمام رہنماؤں کو کہہ دیا ہے کہ وہ جو لوگ ساتھ لائیں گے، ان کا 4,5 دن کارشن پانی ساتھ لے کر آئیں۔ حامد میر نے کہا کہ عمران خان نے یہ اپنی سیاسی زندگی کا سب سے بڑا جواء کھیلا ہے۔ عمران خان کے پاس واپسی کا راستہ نہیں ہے۔ حامد میر نے کہا کہ عمران خان نے صرف یہ اعلان نہیں کیا کہ وہ استعفے کے بغیر اسلام آباد سے واپس جائیں گے بلکہ انہوں نے ساتھ میں یہ بھی کہا ہے کہ جب تک ان کا مطالبہ پورا نہیں ہوتا ، جب تک وہ اپنا مقصد حاصل نہیں کر لیتے ، پی ٹی آئی کا کوئی رکن پارلیمنٹ ، پارلیمنٹ میں نہیں جائے گا۔ سینئر تجزیہ نگار نے کہا کہ اگر اس صورتحال کا موازنہ 2014 ء کی صورتحال سے کیا جائے تو یہ بہت مختلف نظر آتی ہے۔ 2014 ء میں عمران خان اکیلے تھے اور اس بار ان کے ساتھ بہت لوگ اور جماعتیں ہوگیں۔ حامد میر کا کہنا تھا کہ پچھلی بار پیپلز پارٹی اور دیگر جماعتیں حکومت کے ساتھ کھڑی دکھائی دے رہی تھیں لیکن اس بار وہ حکومت کے ساتھ نہیں کھڑیں۔ حامد میر نے کہا کہ اس بار موسم ایسا نہیں زیادہ دن تک بیٹھا جائے لیکن عمران خان کچھ بھی کر سکتے ہیں۔ عمران خان اس بار بہت زیادہ تیاری کے ساتھ آ رہے ہیں۔ حامد میر نے کہا کہ عمران خان کو لائٹ نہ لیا جائے اور بد قسمتی سے عمران خان کو حکومت سیریس نہیں لے رہی ۔