راولپنڈی(این این آئی )آرمی چیف جنرل راحیل شریف نے سٹرائیک کور منگلا کا دورہ کر کے آرمی کی آپریشنل تیاریوں کا جائزہ لیا ، کمانڈر سٹرائیک کور نے پاک فوج کے سربراہ کو بریفنگ دی۔ آئی ایس پی آر کے مطابق آرمی چیف جنرل راحیل شریف نے پیر کو سٹرائیک کور منگلا کا دورہ کیا اور فوج کی آپریشنل تیاریوں کا جائزہ لیا۔ کمانڈر سٹرائیک کور نے آرمی چیف کو بریفنگ د ی۔ کور کمانڈر لاہور ، کور کمانڈر گوجرانوالہ، کور کمانڈر پشاور اور ڈائریکٹر جنرل ملٹری آپریشنز (ڈی جی ایم او) بھی اس موقع پر موجود تھے ۔ ‎