سکھر (مانیٹرنگ ڈیسک ) قومی اسمبلی میں اپوزیشن لیڈرخورشید شاہ نے کہاہےکہ وزیراعظم نے پہلے احتساب کی بات کی پھر بھاگ گئے، پاناما سے بھاگنے کا مطلب دال میں کچھ کالا ہے، پاکستان میں احتجاج کی قدر نہیں، رائے ونڈ مارچ سے کچھ نہیں ہوگا۔اپوزیشن لیڈر اور پیپلزپارٹی کے رہنماء خورشید شاہ نے پی ٹی آئی کے رائے ونڈ مارچ کا مستقبل بتادیا دیا، سکھر میں گفتگو کرتے خورشید شاہ نے کہاکہ ہمارے ہاں احتجاج کی قدر نہیں، رائے ونڈ مارچ سے کچھ نہیں ہوگا، مارچ کے دوران ایک زمین پر تو دوسرا جہاز پر ہوگا، سندھ کے لوگ تحریک انصاف کے جلسے میں نہیں تھے۔انہوں نے کہاکہ پاناما لیکس کرپشن کی کھلی کتاب ہے، پاناما یا وکی لیکس کوئی حقیقت تسلیم کرنے کو تیار نہیں، وزیراعظم نے پہلے احتساب کی بات کی پھر بھاگ گئے، پاناما سے بھاگنے کا مطلب دال میں کچھ کالا ہے۔