اسلام آباد (این این آئی) ابھی تو ایک گولی بھی نہیں چلی اور بھارت چیخ اُٹھا۔۔۔! حیرت انگیز الزام پر پاکستان نے ’’ٹھنڈا‘‘ کردیا،دفتر خارجہ نے کنٹرول لائن پر فائرنگ کا بھارتی الزام مسترد کر دیا۔ایک انٹرویو میں ترجمان دفتر خارجہ نے کہاکہ کنٹرول لائن پر پاکستان کی طرف سے کوئی فائر نہیں کیا گیا۔ ترجمان دفتر خارجہ نفیس زکریا نے کہاکہ کنٹرول لائن پر پاکستان کی طرف سے کوئی فائرنگ نہیں کی گئی، پاکستان نے کنٹرول لائن پر سیز فائر کی کوئی خلاف ورزی نہیں کی۔انہوں نے کہا کہ سیز فائر کی خلاف ہمیشہ بھارت کی طرف سے کی جاتی ہے، پاکستان کی طرف سے بھارتی جارحیت کا جواب دیا جاتا ہے، بھارتی الزامات میں کوئی صداقت نہیں۔

موضوعات:،دفتر خارجہ کنٹرول لائن