اسلام آباد (مانیٹرنگ ڈیسک)حکمران جماعت پاکستان مسلم لیگ(ن) کے رکن قومی اسمبلی عبدالحکیم بلوچ نے پارٹی چھوڑنے کا فیصلہ کرلیا ہے۔نجی ٹی وی چینل کے مطابق پاکستان مسلم لیگ(ن) کے کراچی سے منتخب ہونے والے رکن قومی اسمبلی عبدالحکیم بلوچ نے پارٹی چھوڑ کر پیپلز پارٹی میں شمولیت کا فیصلہ کرلیا ہے۔ اس حوالے سےعبدالحکیم بلوچ کا کہنا تھا کہ (ن) لیگ کو خیر باد کہہ رہا ہوں اور اب میں نے پیپلزپارٹی جوائن کرنے کا فیصلہ کیا ہے جب کہ وہ رواں ہفتے قومی اسمبلی کی رکنیت سے استعفی دے دیں گے۔واضح رہے کہ عبدالحکیم بلوچ 2013 کے انتخابات میں کراچی کے حلقے این اے 258 سے رکن قومی اسمبلی منتخب ہوئے تھے جب کہ وہ مملکتی وزیر کے عہدے سے پہلے ہی مستعفی ہوچکے ہیں۔