اسلام آباد(آئی این پی) سیکرٹری خارجہ اعزاز چوہدری نے کہا ہے کہ مسئلہ کشمیر کے پر امن حل کے لئے بھارتی ہم منصب کو دعوت دی لیکن انہوں نے قبول کرنے کے بعد انکار کردیا، پاکستان میں ٹیلنٹ کی کوئی کمی نہیں ،ہم اپنی ثقافتی اقدار کو چھوڑتے جارہے ہیں ، اپنے بچوں کو ثقافتی اقدار سے روشناس کرانا ہمارا فرض ہے ۔ جمعہ کو لوک ورثہ میں تقریب سے خطاب اور بعد ازاں میڈیا سے گفتگو کرتے ہوئے انہوں نے کہاکہ پاکستان مسئلہ کشمیر کا پرامن اور منصفانہ حل چاہتا ہے ۔ مسئلہ کشمیر پر بھارت کو چاہیے کہ وہ مذاکرات کی میز پر آئے ۔ اعزاز چوہدری نے کہا کہ بھارتی ہم منصب کو دعوت دی لیکن انہوں نے قبول کرنے کے بعد انکار کردیا ، انہو ں نے کہا کہ پاکستان میں ٹیلنٹ کی کوئی کمی نہیں ،اپنی ثقافتی اقدار کو چھوڑتے جارہے ہیں ، اپنے بچوں کو ثقافتی اقدار سے روشناس کرانا ہمارا فرض ہے ،ثقافت پاکستان کی صحیح شناخت ہے ۔ انہوں نے کہاکہ اب خارجہ تعلقات کی نوعیت صرف بیان بازی تک نہیں رہی ، اب ثقافتی ڈپلومیسی اہمیت اختیار کرگئی ہے ۔