چمن (مانیٹرنگ ڈیسک)چمن میں پاک افغان بارڈر کے قریب انٹیلی جنس اور کومبنگ آپریشن کے دوران8 دہشت گردوں کوگرفتار کرلیا گیا۔ بڑی تعداد میں اسلحہ ، گولہ بارود بھی برآمد کیا گیا ۔پاک فوج کے شعبہ تعلقات عامہ کے مطابق سیکورٹی فورسز نے پاک افغان سرحد پر چمن کے علاقے میں کومبنگ اور خفیہ معلومات کی بنیاد پر آپریشنز کیے ۔ سیکورٹی فورسز نے آپریشن کے دوران 8 دہشتگردوں کو گرفتار کیا گیا ۔ دہشتگردوں سے بڑی تعداد میں اسلحہ ، گولہ بارود برآمد ہوا ہے جن میں راکٹ ، ڈیٹونیٹرز اور تیار بارودی سرنگیں شامل ہیں ۔ سیکورٹی فورسز نے گرفتار دہشتگردوں کو انٹیلی جنس ایجنسیز کے حوالے کر دیا ہے ۔ انٹیلی جنس اداروں نے گرفتار دہشتگردوں سے تفتیش شروع کر دی ہے ۔