مظفرآباد ( مانیٹرنگ ڈیسک)پاکستان کیخلاف متحدہ قائد کے بیان پر ملک بھر کی طرح آزاد کشمیر کے عوام میں بھی شدید غم و غصے کی لہر ،آزاد کشمیر بھر میں متحدہ دفاتر سیل کرنے کا مطالبہ کر دیا ۔تفصیلات کے مطابق گزشتہ روز متحدہ قائد اور کارکنوں کی جانب سے پاکستان مخالف نعرے بازی پر پاکستان بھر کی طرح آزاد کشمیر کے عوام میں شدید غم وغصے کی لہر پائی جاتی ہے، شہریوں نے آرمی چیف جنرل راحیل شریف سے مطالبہ کیا ہے کہ آزادکشمیر بھر سمیت مظفرآباد میں ایم کیو ایم کے دفاتروں کو سیل کر کے سیاسی سرگرمیاں بند کی جائیں اور متحدہ پارٹی پر تاحیات پابندی عائد کی جائے ۔