اسلام آباد (نیوز ڈیسک) آرمی چیف نے ہدایت کی کہ شرپسندوں کو پکڑا جائے۔ تفصیلات کے مطابق ڈی جی رینجرز میجر جنرل بلال اکبر نے کہا ہے کہ آرمی چیف نے ہدایت کی کہ اشتعال پھیلانے والوں کو ہر قیمت پر پکڑا جائے۔ انہوں نے کہا کہ کیمپ میں بیٹھے لوگوں کی شناخت کی جا رہی ہے اور اشتعال پھیلانے والوں کو ہر قیمت پر پکڑا جائے گا۔ ڈی جی رینجرز نے مزید کہا کہ قانون ہاتھ میں لینے والوں کو نہیں چھوڑیں گے ‘ حملہ کرنے والوں کو قانون کے دائرے میں لائیں گے۔ انہوں نے کہا کہ کیمپ میں تقریر سننے اور بیٹھنے والے لوگوں کی بھی شناخت کی جا رہی ہے۔ ایک سوال کے جواب میں انہوں نے کہا کہ پولیس نے جب ہمیں بتایا تو اس وقت ٹریفک جام ہو چکی تھی اور رینجرز اہلکار گاڑیاں چھوڑ کر پیدل پہنچے اور حالات کو کنٹرول کیا۔