نئی دہلی(مانیٹرنگ ڈیسک)بھارتی فورسزنے اعتراف کیا ہے کہ 32 دنوں میں یلٹ گن سے کشمیریوں پر 13 لاکھ چھرے استعمال کیے۔غیرملکی خبررساں ادارے کے مطابق مقبوضہ کشمیر کی عدالت میں بھارتی پیرا ملٹر ی سینٹرل ریزرو پولیس فورسز کی جمع کرائی گئی رپورٹ میں بتایاگیا کہ 32 دنوں میں کشمیریوں پرپیلٹ گن سے 13 لاکھ چھرے استعمال کیے گئے ۔بھارتی فورسز نے 200 کشمیریوں کی آنکھوں کوبراہ راست نشانہ بنایا ،جس میں سے 100سے زائد افراد بینائی سے محروم ہوگئے جبکہ 8جولائی سے اب تک 83 کشمیری شہیداور8 ہزار سے زائد زخمی ہو چکے ہیں۔