اسلام آباد(مانیٹرنگ ڈیسک) پاکستان مسلم لیگ (ن) میں فارورڈ بلاک سامنے آ ہی گیا۔ تفصیل کے مطابق پاکستان مسلم لیگ (ن) میں فارورڈ بلاک کی خبریں کافی عرصے سے گردش میں تھیں تاہم اب فارورڈ بلاک کھل کر سامنے آ گیا ہے۔ نجی ٹی وی رپورٹ کے مطابق اہم ترین لیگی رہنماء و سابق گورنر پنجاب سردار لطیف کھوسہ نے ہم خیالوں سے رابطے تیز کر دیئے ہیں۔ نجی ٹی وی رپورٹ کے مطابق ذوالفقار کھوسہ کا کہنا ہے کہ اپوزیشن اس قابل نہیں کہ حکومت کی مخالفت کر سکے۔ حکومتی خامیوں کی نشاندہی کرنے پر اعلیٰ افسران کے ٹرانسفر کر دیئے جاتے ہیں۔
نجی ٹی وی رپورٹ کے مطابق بڑی تعداد میں اراکین اسمبلی وناراض لیگی اراکین حکومت کیخلاف پوری قوت سے سرگرم ہو چکے ہیں اوراب تک فارورڈ بلاک کی قیادت اور رابطے سابق گورنر سردار لطیف کھوسہ کر رہے ہیں۔ لطیف کھوسہ کا کہنا ہے کہ اس سلسلے میں ان کے اہم ترین (ن) لیگی رہنماؤں سے رابطے ہیں۔ بڑے بڑے نام پاکستان مسلم لیگ (ن) سے بد ظن ہیں اور ہمارے ساتھ آنے کو تیار ہیں۔