اسلام آباد(مانیٹرنگ ڈیسک) پاکستان تحریک انصاف کے سربراہ عمران خان کے بیان نے نئی بحث چھیڑ دی۔ نجی ٹی وی رپورٹ میں تفصیل کے مطابق پاکستان تحریک انصاف کے سربراہ عمران خان نے میڈیا سے گفتگو کے دوران کہا کہ ایک تو جنوبی پنجاب میں چھوٹو گینگ تھا لیکن مریم شریف کے نیچے موٹو گینگ ہے۔ ملک لوٹنے والوں کو شرم آنی چاہئے۔ عمران خان نے کہا کہ نواز شریف ڈر رہے ہیں کہ اگر انہوں نے ٹی او آرز مان لئے تو وہ پکڑے جائیں گے۔
عمران خان نے میڈیا سے گفتگو کرتے ہوئے کہا کہ پانامہ لیکس میں ثابت کرنے کی کوئی چیز نہیں بلکہ سب کچھ سامنے ہے۔ خیبر پختونخواہ کا بجٹ جان بوجھ کر کم رکھا گیا ہے۔ آدھے پنجاب کا بجٹ صرف لاہور پر لگا دیا گیا ہے۔ عمران خان نے کہا کہ اتنی گرمی میں انہیں دھرنا دینے اور کنٹینرز پر جانے کا شوق نہیں بلکہ وہ پاکستان کو تباہی سے بچانا چاہتے ہیں۔