لاہور ( این این آئی) ایڈیشل آئی جی آپریشن اسلام آباد عاشرحمید کی موت کی وجہ سامنے آگئی ،فرانزک رپورٹ کے مطابق حرکت قلب بند ہونے کے باعث عاشرحمید کی موت واقعہ ہوئی۔ تفصیلات کے مطابق ایڈیشنل آئی جی اسلام آباد عاشر حمید پولیس لائن اسلام آباد میں گزشتہ ماہ اپنی رہائشگاہ پر مردہ پائے گئے تھے۔ پوسٹ مارٹم میں موت کی وجوہات معلوم نہ ہونے پر فرانزک ٹیسٹ کروایا گیا تھا۔اب پنجاب فرانزک لیب کی کیمیکل ایگزامینیشن رپورٹ میں اے آئی جی عاشر حمید کی وجہ موت سامنے آئی ہے۔ رپورٹ کے مطابق اے آئی جی عاشر حمید کی موت دل کا دورہ پڑنے کی وجہ سے ہوئی۔ عاشر حمید کے دل کی دوشریانیں مکمل اور دو جزوی طورپر بند تھیں، شریانوں کے سکڑنے کی وجہ سے دبا ؤ پیدا ہوا جس کے باعث عاشر حمید کو خون کی الٹی ہوئی۔