اسلام آباد(مانیٹرنگ ڈیسک) نجی ٹی وی پروگرام میں سینئر صحافی نے تہلکہ خیز دعویٰ کر دیا۔ نجی ٹی وی پروگرام میں گفتگو کرتے ہوئے سینئر صحافی نے کہا کہ دو دن قبل رائیونڈ میں ان ہاؤس سیشن ہوا ہے جس میں ترکی والے واقعے پر خصوصی بات چیت کی گئی کہ کیسے طیب اردوان نے اس واقعے کو سنبھالا تھا۔ اسی تناظر میں میاں نواز شریف کو یہ مشورہ بھی دیا گیا ہے کہ اگر میاں نواز شریف باہر نہیں جاتے اور یہیں بیٹھ کر حالات کا مقابلہ کرنا چاہتے ہیں تو میاں صاحب چھوٹے چھوٹے پیغامات وٹس ایپ اور آئی فون وغیرہ پر پہلے ہی سے ریکارڈ کروا دیں۔ اگر خدا نخواستہ کوئی اس طرح کی سرگرمی ہوتی ہے کہ ان کی حرکات و سکنات محدود کی جاتی ہیں یا کچھ اور کیا جاتا ہے تو اس صورت میں وہ پہلے سے ریکارڈ شدہ پیغامات کو باہر دوستوں کو بھجوا دیا جائے جو انٹرنیشنل میڈیا بی بی سی اور سی این این وغیرہ کو دے دیئے جائیں۔
سینئر صحافی صابر شاکر نے کہا کہ ان ہاؤس سیشن میں (ن) لیگ کے اکثر لوگ ترکی طرح مزاحمت کا سوچ رہے ہیں جبکہ امریکہ ، شہباز شریف اور چوہدری نثار یہ کہہ رہے ہیں کہ حالات کو اس نہج پر نہ لیجایا جائے تو ہی بہتر ہے۔ سینئر صحافی صابر شاکر نے کہا کہ حالات اتنے زیادہ اچھے نہیں جتنا دکھانے کی کوشش کی جا رہی ہے۔