اسلام آباد (مانیٹرنگ ڈیسک) 7 اگست کو حکومت کے خلاف تحریک کا اعلان کرتے ہوئے پاکستان تحریک انصاف نے پی پی پی سے اپنی راہیں جدا کرتے ہوئے سولو فلائیٹ کا فیصلہ کیا ہے میڈیا رپورٹس کے مطابق ایک عشرہ پہلے معروف سیاستدان معراج محمد خان نے نشاندہی کی تھی اور عمران خان کو اپنے استعفیٰ کے لیٹر میں اس کی وضاحت کی تھی معراج خان نے 1997 کے انتخابات کے بعد پی ٹی آئی میں شمولیت اختیار کی تھی اور سیکرٹری جنرل کے عہدے پر رہے اور کہا کرتے تھے کہ ہم اپنی اہمیت میں اس قدر کھوئے ہوئے تھے کہ ہم نے سولو فلائیٹ کی پالیسی اپنائی اور پارٹی نے انتہائی اہم قومی اور بین الاقوامی ایشوز پر بھی ہم خیال جماعتوں سے رابطہ نہیں کیا۔ رپورٹس کے مطابق 11 اپوزیشن جماعتوں سے مشاورت کئے بغیر پی ٹی آئی کے چیف عمران خان نے 20 جولائی کو حکومت کے خلاف عوامی اجتماع شروع کرنے کا اعلان کیا اور گھنٹوں پہلے اپوزیشن اس معاملے کو پارلیمنٹ پہنچانے پر متفق ہو گئی تھیں بعدازاں پی پی پی کے راہنما خورشید شاہ نے تنبیہہ کی کہ پی ٹی آئی کی سولو فلائیٹ سے کوئی خاطر خواہ نتائج نہیں نکل سکتے۔ میڈیا رپورٹس کے مطابق پی ٹی آئی کی تاریخ کا حصہ ہے۔