لاہور( این این آئی)وزیراعظم کی صحت خراب،مریم نواز دفاع میں سامنے آگئیں، وزیراعظم محمد نواز شریف کی صاحبزادی مریم نواز نے کہا ہے کہ وزیراعظم کو ٹانگ میں انفیکشن کی وجہ سے بخار ہے،وزیراعظم کو اینٹی بائیو ٹک ادویات دی جارہی ہیں او روہ صحتیاب ہو کر جلد اسلام آباد میں ہوں گے ۔ٹوئٹر پر اپنے بیان میں مریم نواز شریف نے کہا کہ وزیراعظم کی صحت سے متعلق ایک ٹی وی چینل جھوٹ پر جھوٹ بول رہا ہے ،ضابطہ اخلا ق کی کھلم کھلا خلاف ورزی پر پیمرانوٹس لے ۔وزیراعظم کو ٹانگ میں انفیکشن کی وجہ سے بخار ہو ہے اور اس کا اینٹی بائیو ٹک ادویات کے ذریعے علا ج کیا جارہا ہے ۔انشاء اللہ وزیراعظم نواز شریف جلد اسلام آباد میں ہوں گے ۔