کراچی(مانیٹرنگ ڈیسک) ڈی جی رینجرز سندھ میجر جنرل بلا ل اکبر نے اندرون سندھ میں آپریشن کرنے کا اعلان کیا ہے ، نجی ٹی وی سے گفتگو کرتے ہوئے ڈی جی رینجرز کا کہنا تھا کہ بہت سے جر ائم پیشہ افراد اندرون سندھ میں پناہ لیتے ہیں ۔ کراچی سمیت ملک کے مختلف علاقوں سے اغوا کئے گئے افراد کو سندھ میں رکھا جاتا ہے ۔ اب نیشنل ایکشن پلان کے تحت صوبے بھر میں آپریشن کیا جارہا ہے ۔ ان کا مزید کہنا تھا کہ کراچی میں زیادہ تر تعداد افغان باشندوں کی ہے جو اکثر ان جرائم میں ملوث ہیں۔ جبکہ جنوبی پنجاب سے بھی مجرم کراچی میں آکر پنا ہ لیتے ہیں۔ اب کسی کو بھی نہیں چھوڑا جائے گا۔ شدت پسند عناصر کی پشت پناہی کرنے والی سیاسی جماعتوں نے ڈی رینجرز کے اس بیان سے شدید ہلچل مچ گئی ۔