راولپنڈی (این این آئی) پاکستانی فوج کے ترجمان لیفٹیننٹ جنرل عاصم سلیم باجوہ نے کہا ہے کہ افغانستان میں امریکی فوج کے کمانڈر جنرل نکولسن نے ایک ڈرون حملے میں پاکستانی طالبان کے سینئر رہنما خلیفہ عمرمنصور عرف عمر نرے کی ہلاکت کی تصدیق کی ہے ۔عاصم سلیم باجوہ نے اپنے ٹوئٹر پر بتایا کہ اس حملے میں پاکستانی طالبان خلفیہ عمر منصور عرف عمر نرے کی ہلاکت کی تصدیق کر دی ہے یاد رہے کہ خلفیہ عمر کمانڈر نرے کے نام سے بھی مشہور تھے پشاور میں آرمی پبلک سکول ٗ باچاخان یونیورسٹی اورپشاور کے قریب بڈ ھ بیر میں پاکستانی ائیر فورس کے ایک مرکز پر حملوں میں ملوث تھا ۔خلیفہ منصور نے ویڈیو پیغامات میں ان حملوں کی ذمہ داری قبول کی تھی خلیفہ منصور خیبر ایجنسی کے درہ آدم خیل علاقے سے طالبان کا سربراہ تھا ۔باچاخان یونیورسٹی پر حملے کے بعد طالبان نے اس حملے سے لاتعلقی کااعلان کیا تھا اور خلیفہ عمر منصور کیخلاف ایکشن لینے کا دعویٰ کیا تھا لیکن چھ ماہ گزر نے کے باوجود اس کے خلاف کوئی کارروائی نہیں کر سکے ۔یاد رہے کہ عمر نرے چند روز پہلے افغانستان کے مشرقی صوبے ننگر ہار میں ایک ڈرون حملے میں اپنے چارساتھیوں کے ہمراہ ہلاک ہوگیا تھا ۔طالبان نے اس خبر کی تصدیق نہیں کی تھی فوج کے ترجمان کے مطابق امریکی کمانڈر نے آرمی چیف کے ساتھ رابطے میں طالبان رہنماء کی ہلاکت کی تصدیق کی ۔یاد رہے کہ خلیفہ عمر منصور عرف عمر نرے خالد خراسانی کے نام سے بھی مشہور تھا۔