پشاور (این این آئی) ن لیگ کے متوالے نے عید کے موقع پر وزیر اعظم نواز شریف کیلئے شیر کی کھال سے خصوصی چپل تیار کر لی۔ عید کے موقع پر وزیر اعظم میاں محمد نواز شریف کیلئے شیر کی کھال سے خصوصی چپل تیار کی گئی ہے ۔نجی ٹی وی کے مطابق مسلم لیگ ن کے کارکن نے نواز شریف کے لیے شیرکی کھال سے خصوصی چپل تیار کر لی ۔پشاور کی نمک منڈی میں موجود چپل میکر حاجی صافی نے کئی ماہ کی کوششوں کے بعد با لآخر شیر کی کھال حاصل کی اور اس سے نوازشریف کے لیے چپل تیار کی جو وہ میاں نواز شریف کی وطن واپسی کے بعد عید اور صحت یابی کے تحفے کے طور پر انہیں پیش کرینگے۔