اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار کی حیران کن پیشین گوئی۔ سینئر تجزیہ نگار اوریا مقبول جان نے نجی ٹی وی پروگرام میں گفتگو کرتے ہوئے کہا وزیر اعظم نواز شریف سے ایک ایسی غلطی ہو چکی ہے جو انہیں نااہل کروا سکتی ہے۔ اور یہ سب سے بڑی غلطی ہے جو وزیر اعظم کو ڈبو سکتی ہے۔ اوریا مقبول جان نے کہا کہ نواز شریف نے اپنے “dependents” میں مریم نواز کا نام لکھ دیا ہے۔ مریم نواز کے ساتھ ساتھ سب سے بڑا ثبوت نواز شریف کے بیٹوں کا بھی آ جائے گا۔
سینئر تجزیہ نگار اوریا مقبول جان نے کہا کہ اثاثہ جات، پانامہ لیکس معاملے پر نواز شریف پھنس چکے ہیں ۔ اس وقت پورے پاکستان سے شریف خاندان کا تمام ریکارڈ CBR پہنچ چکا ہے ۔ کسی بھی انکم ٹیکس آفیسر سے سرکل ون کا ریکارڈ طلب کر لیں وہ آپ کو نہیں ملے گا کیونکہ اس ریکارڈ کو ٹیمپرڈ کرنے کی کوشش کی جا رہی ہے لیکن ان تمام تر کوششوں کے باوجود بہت سارے لوگ ایسے ہیں جنہوں نے شریف خاندان کا تمام ریکارڈ فوٹو کاپیاں کروا کر رکھا ہوا ہے اور وقت پر یہ ریکارڈ سامنے لا سکتے ہیں۔ اوریا مقبول جان نے کہا کہ شریف خاندان کسی بھی طرح اپنا ریکارڈ خفیہ رکھنا چاہتے ہیں لیکن جب وقت بدلتا ہے تو یہ بہت سارے لوگ’’بیوروکریسی‘‘ فوٹو کاپیوں والا وہ ریکارڈ لے کر پیش ہو جاتی ہے۔