اسلام آباد(مانیٹرنگ ڈیسک) وزیراعلیٰ پنجاب شہباز شریف کی فلائی اوور افتتاح کیلئے لاہور کے علاقے کاہنہ آمد۔ اہلیان علاقہ کی شدید نعرے بازی۔ تفصیل کے مطابق وزیر اعلیٰ پنجاب شہباز شریف لاہور کے علاقے کاہنہ میں فلائی اوور کا افتتاح کرنے پہنچے تو لوگوں کی بڑی تعداد موقع پر جمع ہو گئی جنہوں نے پنجاب حکومت اور وزیر اعلیٰ شہباز شریف کے خلاف شدید نعرے بازی شروع کر دی۔ نجی ٹی وی رپورٹ کے مطابق شہباز شریف نے جب لوگوں کو شدید غصے میں دیکھا تو الٹے پاؤں بھاگنے پر مجبور ہو گئے۔
نجی ٹی وی رپورٹ کے مطابق شہباز شریف فلائی اوور کا افتتاح کرنے ہیلی کاپٹر پر سفر کرتے ہوئے پہنچے اور Cow Boy Cap پہنے دبنگ انداز میں نیچے اترے تو لوگوں کے جم غفیر نے انہیں گھیر لیا۔ وزیر اعلیٰ شہباز شریف نے لوگوں کو مشتعل دیکھا تو گاڑی سے نیچے نہ اترنے میں ہی عافیت سمجھتے ہوئے واپس روانہ ہو گئے۔