اسلام آباد (این این آئی)چیئرمین سینیٹ میاں رضاربانی نے قائمقام صدر کی ذمہ داریاں سنبھال لی ہیں ۔ صدر مملکت ممنون حسین ایس سی او کے سالانہ اجلاس میں22 تا24 جون ،2016 ازبکستان کے سرکاری دورے پر ہونگے جس دوران چیئرمین سینیٹ میاں رضاربانی قائمقام صدر کے فرائض سرانجام دیں گے ۔
واضح رہے کہ صدر ممنون حسین شنگھائی تعاون تنظیم میں شرکت کے لیے ازبکستان پہنچ گئے ہیں،مشیر خارجہ سرتاج عزیز ،سیکرٹری خارجہ بھی ان کے ہمراہ ہیں ، دورے میں صدر مملکت مختلف ممالک کے سربراہان سے سائیڈ لائن ملاقاتیں بھی کریں گے۔