اسلام آباد (مانیٹرنگ ڈیسک) ترجمان دفتر خارجہ نفیس ذکریا نے کہا ہے کہ پاکستان نے ڈرون حملے کا معاملہ سلامتی کونسل میں اٹھایا ہے، ڈرون حملے پاکستانی خود مختاری کی خلاف ورزی ہیں۔ بدھ کو ترجمان دفتر خارجہ نے اپنے ایک بیان میں کہا کہ پاکستان نے سلامتی کونسل میں حالیہ ڈرون حملے کی شدید مذمت کی ہے۔ انہوں نے کہا کہ اقوام متحدہ میں پاکستان مستقل مندوب ملیحہ لودھی کی جانب سے یہ معاملہ اٹھایا گیا، پاکستان نے واضح کیا ہے کہ ڈرون حملے ہماری خود مختاری کی خلاف ورزی ہیں اور یہ ناقابل قبول ہیں، ڈرون حملے عالمی قوانین اور اقوام متحدہ کے چارٹر کی بھی خلاف ورزی ہیں۔