اسلام آباد(مانیٹرنگ ڈیسک) سینئر تجزیہ نگار و صحافی نے نجی ٹی وی پروگرام میں گفتگو کرتے ہوئے تہلکہ خیز دعویٰ کر دیا۔ سینئر تجزیہ نگار نے کہا کہ میاں نواز شریف اس وقت بیماری کی حالت میں ڈبل مائنڈڈ ہوئے ہوئے ہیں۔ عام تاثر یہ پایا جاتا ہے کہ مریم نواز ڈی فیکٹو پرائم منسٹر ہیں لیکن حالات ایسے نہیں، اس وقت میدان میں بڑے بڑے گھوڑے دوڑ ہیں جن میں سے ایک چوہدری نثار ہیں دوسرے اسحاق ڈار ہیں لیکن یہ دونوں ٹیم پلیئر نہیں اور نہ ہی یہ کسی سے ملنا پسند نہیں کرتے ۔ سینئر صحافی عارف نظامی نے کہا کہ ان حالات میں اگر قرعہ فال نکلتا ہے تو وہ شہباز شریف کے نام نکلتا ہے۔ شہباز شریف کے پارٹی میں سب سے روابط ہیں اور وہ ہر کسی سے ملتے بھی ہیں۔ عارف نظامی نے کہا کہ نواز شریف پیچھے ہٹنے کو تیار ہیں اور شہباز شریف وزارت عظمیٰ پر آ سکتے ہیں لیکن ایک مسئلہ اس صورت میں وزارت اعلیٰ پنجاب کا بھی ہے ۔
سینئر تجزیہ نگار نے کہا کہ اگر شہباز شریف وزیر اعظم بنتے ہیں تو وزیر اعلیٰ پنجاب کیلئے خواجہ آصف کے بارے میں سوچا جائے گا جو کہ ایک غلط فیصلہ ہوگا۔ واضح رہے کہ وفاقی وزیر دفاع خواجہ آصف کو غیر پارلیمانی زبان استعمال کرنے پر اکثرحریف جماعتوں کی جانب سے سخت تنقید کا نشانہ بنایا جاتا ہے۔