کابل (این این آئی)طور خم بارڈر پر کشیدگی کے معاملے پر افغان وزارت خارجہ نے پاکستانی سفیر کو طلب کرکے شدید احتجاج کیا ۔افغان میڈیا کے مطابق پاکستان کی جانب سے طورخم بارڈر پر گیٹ تعمیر کرنے اور باڑ لگانے کے معاملے پر گزشتہ کئی دنوں سے پاکستان اور افغانستان میں کشیدگی کا ماحول جاری ہے ۔بھارت کے زیر سایہ رہنے والے افغان حکام نے پاکستانی علاقے میں فائرنگ کے باوجود اپنے سرپرست بھارت کی طرح شور مچانا اور پاکستان پر الزام لگانا شروع کردیا۔منگل کی صبح طور خم بارڈر پر کشیدگی کے معاملے پر افغان وزارت خارجہ نے پاکستانی سفیر سیدابرارحسین کو طلب کرکے شدید احتجاج کیا ۔ افغان ڈپٹی وزیرخارجہ نے الزام لگایا کہ پاکستانی فورسز نے افغان بارڈر گارڈز پر فائرنگ کی ہے جبکہ پاکستان نے گیٹ کی تعمیرکے معاملے پرمعاہدے کی خلاف ورزی کی ہے۔