اسلام آباد(مانیٹرنگ ڈیسک) سینئر سیاستدان خوش بخت شجاعت نے حیرت انگیز دعویٰ کر دیا، سینیٹر خوش بخت شجاعت نے ایوان بالا میں معاملہ اٹھایا کہ فیصل آباد بورڈ کی میٹرک کی نئی جاری کی جانیوالی اسناد پر شہباز شریف کی تصاویر لگائی جا رہی ہیں۔ خوشبخت شجاعت کے اس حیرت انگیز دعوے پر چیئرمین سینیٹ نے شدید حیرانگی کا اظہار کیا اور قائد ایوان سینیٹ راجہ ظفر الحق سے معاملے کی رپورٹ طلب کی ہے چیئرمین سینیٹ رضا ربانی نے کہا کہ راجہ ظفر الحق پنجاب حکومت سے بات کرنے کے بعد رپورٹ ایوان میں پیش کریں، سینیٹر خوش بخت شجاعت نے کہا کہ میٹرک سند پر صرف طالبعلم کی تصویر ہونی چاہئے یا اگر لگانی بھی ہو تو قائد اعظم کی تصویر لگائی جائے لیکن شہباز شریف کی تصویر کا معاملہ سمجھ سے باہرہے۔