اسلام آباد(مانیٹرنگ ڈیسک) سینئر تجزیہ نگار نے نجی ٹی وی پروگرام میں بڑا دعویٰ کر دیا، ہلچل مچ گئی‘ سینئر تجزیہ نگار نے کہا کہ سابق صدر آصف علی زرداری اسٹیبلشمنٹ کو میسج بھیج رہے ہیں کہ اگر آپ کا مسلم لیگ (ن) سے جھگڑا ہوتا ہے ‘ اگر کسی صورت میں ایسا ہو تو پاکستان پیپلز پارٹی ہر طرح سے آپ کی مدد کرنے کیلئے تیار ہے لیکن اس میں ایک شرط ہوگی ۔ وہ شرط یہ ہوگی کہ مجھے یعنی آصف علی زرداری کے علاوہ سب کا احتساب ہو سکتا ہے۔ ڈاکٹر شاہد مسعود نے کہا کہ آصف علی زرداری اس صورت میں اسٹیبلشمنٹ کا ساتھ دے سکتے ہیں جب ان کی یہ شرط مان لی جائے کہ ان کا اور ان کے قریبی رفقاء کا احتساب نہیں کیا جائے گا۔ ڈاکٹر شاہد مسعود نے کہا کہ پہلے یہ آپشن نواز شریف کے پاس بھی تھا کہ وہ آصف زرداری کو چھوڑ دیں اور باقی سب کا احتساب کریں لیکن اب یہ بات نواز شریف کے ہاتھ میں بھی نہیں رہی۔