اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے بڑا دعویٰ کر دیا، سینئر تجزیہ نگار نے کہا کہ پاکستان مسلم لیگ (ن) میں ایک طاقتور ترین شخصیت ہیں جن کے بارے میں باقی لیگی رہنما یہ سمجھتے ہیں کہ وہ ان کے راز لیک آؤٹ کرتے ہیں۔ ڈاکٹر شاہد مسعود نے کہا کہ میاں نواز شریف اگرچہ چوہدری نثار سے خوفزدہ نہیں بلکہ وہ ’’ایزی‘‘ نہیں رہے۔ ڈاکٹر شاہد مسعود نے کہا کہ چوہدری نثار پر الزام لگ گیا تھا کہ جب میاں نواز شریف جلا وطن تھے تو چوہدری نثار پاکستان پیپلز پارٹی میں جانے والے تھے اور ان کی ملاقات بینظیر سے بھی ہوئی تھی ۔ڈاکٹر شاہد مسعود نے گفتگو کرتے ہوئے کہا کہ چوہدری نثار ہمیشہ سے اسٹیبلشمنٹ کے قریب رہے ہیں اور سوائے جنرل وحید کاکڑ کے تمام آرمی چیفس (ن) لیگ کے ادوار حکومت میں چوہدری نثار کی مرضی سے لگائے جاتے رہے ہیں۔