اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے تہلکہ خیز دعویٰ کر دیا ‘ سینئر تجزیہ نگار نے کہا کہ حکومتی دو عہدیدار کہہ رہے ہیں کہ اگر پاکستان پیپلز پارٹی سمیت پی ٹی آئی اور طاہر القادری سڑکوں پر آ گئے تو ہم مڈ ٹرم الیکشن کا اعلان کر دیں گے۔ ڈاکٹر شاہد مسعود نے کہا کہ مجھے دو وزراء نے آف دی ریکارڈ کہا کہ ہم دوبارہ دھرنوں کی صورت میں مڈ ٹرم الیکشن کا اعلان کر دیں گے اور ہم کہیں گے کہ ہمیں کام نہیں کرنے دیا گیا، ہمارے خلاف سازش ہوئی ہے، اسی لئے ہمارے منصوبے مکمل نہیں ہو سکے نہ ہی بجلی بحران کا خاتمہ ہو سکا کیونکہ ہمیں مجبوراََ الیکشن کا اعلان کرنا پڑا۔ ڈاکٹر شاہد مسعود نے کہا کہ ان حالات میں مڈ ٹرم الیکشن نہیں ہونے چاہئیں بلکہ مسائل کا حل اسی اسمبلی سے ہونا چاہئے۔ مڈٹرم الیکشن اس لئے دشوار ہیں کہ ملک میں مردم شماری بھی نہیں ہوئی۔