اسلام آباد(مانیٹرنگ ڈیسک) نجی ٹی رپورٹ کے مطابق وزیر اعظم نواز شریف کی عیادت کیلئے آنے والے برطانوی شہزادہ چارلس نے نواز شریف کو جلد صحتیابی کیلئے ’’شہد‘‘ کا تحفہ دیا۔ وزیر اعظم نواز شریف اوپن ہارٹ سرجری کے بعد لندن میں بیڈ ریسٹ پر ہیں جن کی عیادت کیلئے دو دن قبل برطانوی شہزادہ چارلس نے ان سے ملاقات کی تھی۔ وزیر اعظم کی صاحبزادی مریم نواز نے سماجی رابطے کی ویب سائٹ ٹویٹر پر اپنے پیغام میں کہا کہ شہزادہ چارلس نے نواز شریف کو شہد کا تحفہ اس لئے دیا تا کہ ان میں طاقت آئے اور وہ جلد صحتیاب ہوں ۔