لاہور(آئی این پی) وزیر اعظم نوازشر یف نے اپنی صاحبزادی مر یم نواز کو عیادت کیلئے لندن آنے کی اجازت نہ دی۔ اپنے ایک انٹر ویو میں مر یم نواز نے بتایا کہ میں اپنی دادی کیساتھ پاکستان میں رہ رہی ہوں میری اپنے والد کیساتھ جو محبت ہے اس میں اپنے والدمیاں نوازشر یف کو آپر یشن جیسی صورت حال کے دوران دیکھنے کا حوصلہ نہیں رکھتی اس لیے میں انکے ساتھ لندن نہیں گئی ۔ ایک سوال کے جواب میں مر یم نوازنے کہا کہ میں نے اپنے والد نوازشر یف سے انکے ہسپتال سے گھر جانے پر 2دن کیلئے لندن آنے کی اجازت مانگی لیکن وزیر اعظم نے کہا کہ آپ کو جو ذمہ داریاں دی گئیں وہ ضروری ہے میری دادی میرے پاس ہیں مجھے انکو بھی دیکھنا ہوتا ہے کیونکہ اگر میں بھی چلی جاتی تو میری دادی اکیلی رہ جاتی اس لیے میں لندن نہیں جاسکی جب والد کہیں گے تو ضرور جاؤں گی اور رمضان المبارک کے آخر تک وزیر اعظم کی پاکستان واپسی کا امکان ہے ۔